Кондак 11 / Икос 11

Кондак 11

Пение хвалебное приносят Ти, Владычице, людие богоспасаемого града Архангельска, егда град их единою в лето освящается пришествием Твоего чудотворного образа, и со светильники и кадильницы грядуще во сретение его, радостно вопиют Богу: Аллилуиа.

Икос 11

Cветозарными лучами чудес иконы Твоея, Владичице, на святей горе Красней немерцаемо сияет и Российскую страну нашу православную благодатно озаряет, прогоняюще всякое темное действо вражие силою Божиею, побуждающи нас пред нею Тебе, Богоизбранная Отроковице, хвалебная пения возносити:

  • Радуйся, на пути нашего спасения неугасимый светильниче веры и благочестия;
  • Радуйся, луче незаходимаго солнца.
  • Радуйся, немерцающая во стране нашей православия звездо;
  • Радуйся, добродетели путь ос
  • Радуйся, заре, солнце правды являющая;
  • Радуйся, свете, мрак неведения отгоняющая.
  • Радуйся, купино неопалимая, Бога явившая;
  • Радуйся, престоле огненный Вседержителя.
  • Радуйся, чистоты сокровище;
  • Радуйся, цвете неувядаемыя славы.
  • Радуйся, Вышняго освященное Божественное селение;
  • Радуйся, яко Тобою дадеся радость всем, Тя, Богородице, зовущим.
  • Радуйся, Невесто Неневестная.