Кондак 12 / Икос 12

Кондак 12

Благодати Твоея никогдаже оскудевающия неизсякаемый источник явила еси, Богородительнице, чудотворную Твою икону, от неяже вси скорбящии и обремененнии грехи многими спаение и цельбы во вся времена приемлют и радостно о Тебе воспевают всеблагому Богу: Аллилуиа.

Икос 12

Поюще Твоя преславная чудеса, Богомати, от святыя Твоея иконы неоскудно нам подаваемая, и все упование наша на Тя, Заступнице, возлагающе, со умилением вопием Ти:

  • Радуйся, непостыдное христиан упование в будущем веце;
  • Радуйся, в делании заповедей Сына Твоего пребывающих спасающая.
  • Радуйся, в животе сем нас во здравии сохраняющая;
  • Радуйся, в страшный час смерти нас неоставляющая.
  • Радуйся, верным рабом Твоим христианскую кончину устрояющая;
  • Радуйся на суде праведнем Сына Твоего вожделенный глас Его слышати сподобляющая.
  • Радуйся, всем хотящим спатися и вразум истины приити Благая Одигитрие;
  • Радуйся, всех, в сокрущении сердечнем кающихся спасение.
  • Радуйся, Рождеством Твоим двери рая миру отверзшая;
  • Радуйся, земнородных с небесными к вечному веселию сочетавшая.
  • Радуйся, от Ангел присно воспеваемая;
  • Радуйся, и от земнородных достойно ублажаемая.
  • Радуйся, Невесто Неневестная.